TONSING LEH HAUHSING PIANDAN THANGSING TE SUIDAN BY CHINZALIAN THANGSING(THANGSING UPA) TANGNUAM KHUA GENDANIN

Nidanglaiin, Guite te'n ka khua uah siah kaih tumin, siah dong ding in ava kuan uhi. Ka pute un, " Kou nou tung a siah kongpiakna uh thu omlou hi.Pawt un" chiin singkhuah-suangtum in ana delh khia uhi. Hiai thu toh kisai, Pu Thangsing laa en in: Melmak in laambang ei zong e, Thang hi kaihlah hive'ng e; Thang hi kaihlah hi veng e, Thang chi'ng lumsuang in delh ing e. Guite te aheh lua ua, ka khua uh Zuang khua hon lok uhi. Ahi hin,hiai anuai a teng hong matsak uhi. 1. Pi Zualning; 2. Ka mumeika uh. 3. Ka saisialki uh; 4. Ka laam dak uh zong, Hanship Innpi katlai a kang gawp ahi. Tua amat hunlai un,Pu Thangsing' zi-pi,Zualning pen a ta upa pen uh Dougen a piannung a, a gaai non laitak ahi a chi. Pi Zualning pen,aton ni uh khel khel in a nau neih hong hun a, a Inntual a songphung uah a kolbun kawm in a suaksak uhi. Atate a phiik ahi ua, amin uh Tonsing leh Hauhsing ahi sak uhi. Tonsing a upa zaw ahi achi. Pi Zualning laa: 1. Vongel lamgial na kiak ni'n lun sumtual ah, Bah khipha bang zata'n laam bang vel hi e. Na tun kagenliang aw e ka zehzum aw. Anglai ka henkol in zong liah zoulou e 2. Phung toh bualna shing gamlei hong tang ing e; Shing hen dohtuang tam tung ah kei tang ing e, Shing hen dohtuang tam tung a lun dohzawl ah, Tungsunni'n vangkhua zong e ken zong mah'ng e. Source: TONSING KHANGTHU (Chronicle of Tonsing)