KAWLNI/COLNEY TE TANCHIN

Zuangkhua ah ateenlai un Thangsing upa khang giatna Pu Tonglun leh anaupa Singzaniang sajuh delh in akuanva, huchiin anaupa Singzaniang in gungal lam tanpha ava delh a hukaalin guntui anakhanga kaan zounonlouin a unau un guntui in halin gungal khat tuah ah akikhen uhi. A upa Tonglun in loulam a balpite emmin athalpi in akaap kai zeela hute ane zeel hi. Ahihvangin guntui kiamtheilou ahihmanin atawptawp in aupa’n anaupa kawmah pai inla’n Tongtui khua ah Kheltete vabel mei in chiin anuaia late kiphuah khumin akikhenta uhi. Tonglun la: (1)Pupa khan a ikhang damtui luang aw, Tangkhau bah lou kei aw nem ngingei ing; (2)Tangkhau bah lou kei aw nem ngingei ing, Phamlou buanga tuai aw khenmai tani. Huchiin Singzaniang zong pai in Kheltete ava bel ta hi. Amah mihaat mihangsan, mithahoih mah mah ahihmanin Kheltete’n zong kulhpi veng in ana pangsah uhi. Hulai in mi’n vasim sawm ahihmanin Singzaniang in zong laulou in ana nohkiit zeel hi. Huhun lai in Khelte te’n amin kouh hah sa in amindiingin Kawlni chiin ana phuah sah uhi. Aziah chu nisuahna lampana hung kipan ahihmanin Ni-min pua a ana phuah uh ahi. Amah thalkap siam a minthang ahi.Kulhpi Venga a pan na ah, mi’n vavel ahihmanin Kawlni in la khat hung phuah hi. Ala: (1) Natah aisan san lou aw, tah thepi aw kawlki valnou kamkei bang ka gial hi. Hi thu chu Pu Lianthanga Kawlni Ngathal khua a um in kum 1992 a pu Chinzalian toh asui uh ahi. Pu Liangthanga in asoi daan in chu, amau Kawlnite Kheltete khua a kipan in abaan baan in a kisuanva, Khelte pan Thuklai ah, hupan Chiakzawl, Chiakzawl apan in Muallungah, Muallung pan in Vangcchia ah, hubaan ah Khawthlir ah, hu apan in Leisan ah, hua pan in Ngathal ah huchia hung paisuh suh kahi uhi kei a pan in khanggiat tan chiang kasuui thei achi. Hute chu : 1)Daipawla 2)Vanlawma 3)Honglaia 4)Siahkhupa 5)Selvunga 6)Thangsaluta 7)Lianthanga- 1.Thangthuama anau Tlangthangliana. Huchi in Kawlni chu Thangsing suanmah kahi uh achi hi. Ngurte a Pa Pumthong toh zong Thallouh in kiman uhi. Huchiang in Khawpuibung a um Kawla Kawlni in zong Thangsing suan ka hi na uh achi hi. Courtesy: Thangsing Tangthu leh Ngei Nate,P-61-63,Thangzasawm,1999,Singngat,Manipur, 1999.