Wednesday 21 March 2012

TONSING LEH HAUSING TANCHIN

Thangsing ji Zualning Guite te'n amat laitahun amah agai ahi a, amat nung uh hunsawt lou in Guite te in zong ton leh haat bawl in asuun azaan in a lam uh a ; alaam phualva Zualning anauneih in apha a anau chu kolbulh kawm in anei a, aphit ahiva pasal tuah ahi uh. Zapi mai ah laamphual a nauneih ahihmanin Zualning zum talua in etnangzong helouin hibang in la ahungphuahta hi : 1.Vongel lam gial nakiah ni'n lunsum tual ah, bahkhipha bang zatan lambang vel veh e. 2.Natu'n kazeh zum aw e kalelliang aw, anglai ka henkol in zong liah zoulou e. Huchi in Guite pa'n zong I ton I hauh hung sim ahih chiangun chiin amin diingun TONSIM leh HAUHSIM hisah ni achi a; huchi in Tonsing leh Hauhsing minmasa chu TONSIM leh HAUHSIM aki chi hi. Tonsing zong Guite insung ah hung umnonlouin atuam in aumta a amahzong neih leh lam akiningchingta ahih manin Tong diingin ahung kisa tahi. Ahihvangin Guite pa'n atonding aphalsiha, hmar gam lamzuanin ahung pai a, Tonsim khua ahung saat hi. Hukhua chu tunitanin aum nalai a, simlam mite'n TONSIM achi uh a, Aizawl lamte'n CHAMPHAI achi uhi.Huchu amin pua a akhosat min aphuah ahi. Huziahin Tonsing leh Hauhsing chu Thangsing/NGAIHTE suan ahi uhi. Courtesy: Thangsing Tangthu Leh Ngeinate,Page 60,Thangzasawm,1999.

No comments:

Post a Comment